لاتجرح لسانك يا مـال الغنيمـه

يا الشاعر اللي دوب ما شق نابك
لا تجرح لسانك يا مـال الغنيمـه
تزمر عليّه ... يوم أفــصّل ثيابـك
مدري تحبّ المدح .. وإلاّ الشتيمه
كانك جمل تقـدر تقـوم بزهابـك
ابرك لحملـك لا تـذبّ الخريمـه
على مدار اليـوم بالنـتّ شابـك
وتراقب الشاشه وعينـك كريمـه
لو يلفحن بروسهن عنـد بابـك
الجوّ صافي بين وافـي وشيمـه
ما عنـدك إلاّ الدقدقـه بالدّنابـك
حـاول تجـددّ كـلّ دقّـه قديمـه
أحفظ مقامك يحفـظ الله شبابـك
والشعر خلّـه للعقـول السليمـه