يامل قلب,ن.كل

يامل قلب,ن.كل ما جا بيدله ضج
كماضجة اللي واطي بالقدم حيه
وافكر ولا حصلت حيلة ولا مخرج
وضاقت علي الاقطار وعفت السعوديه
وكني ضمان ضاعت ابله وهو في عج
وراحت ذلوله بالمشاريب واحذيه
ومرات كني اللي صابته حادثه وانرج
يسولف مع روحه بأررض خلاويه
يابنت ياللي حكيها والضحك كله تغنج
شوري علي وين احصل طريق السلاويه
يادب ياللي خصرها لامشت رجها رج
رجة عصير العنب بيدين سوريه
يابنت عفت الدفاتر وعفت ذا المنهج
خفي علي الدلع وانضجي الكيه
يالله طلبتك كثر من لبى وكثر من حج
انك تزيل البلا والهم والسيه
اكتب حروفي وانا ازج القلم زج
كما زجته اللي خذوا اخته وهي حيه
والختم لي قلب كل ماجا بيدله ضج
كما ضجة اللي واطي بالقدم حيه

#منقووول
#قصيدالجزل